2016 жылдың басынан бері «Қазақстан Ипотекалық Компаниясы» ИҰ» АҚ Бағдарламаны жүзеге асыру аясында жалпы ауданы 370 мыңнан астам ш.м. немесе 6 511 пәтер болатын нысандар салуға және сатып алуға (оның ішінде мемлекеттік-жекеменшік әріптестік аясында нысандар салу) келісім-шарт жасасты. Мемлекеттік-жекеменшік әріптестік аясында құрылыс жобаларын бірлесіп жүзеге асыру қорытындысы бойынша биылғы жылдың соңына дейін Астана қаласында жалпы ауданы 34.9 мың ш.м. (538 пәтер) және Түркістан қаласында жалпы ауданы 7,8 мың ш.м. (144 пәтер) пәтерлерді пайдалануға беру жоспарланған.