@HarisIntezar

Shabdon ki daant

aaj shabd phir mujh pe jhalaane lage hai
kya phir se wahi likhne ko kahogi
wo puraani baat jiska sar na pair
kuch bekaar sa naam deke hi rahogi

sirf ek shaam ka bahaana tha
raat tak simat jana tha
tum har shaam us shaam mein simat jaati ho
us shaam ka dhalna kab tak taal_ti rahogi

kuch bhi to nahi kaha usne
humne kitna zor diya zara puchho humse
dono chupchaap chalte rahe kitni der
un kadmon ko kab tak safar mein sambhaalti rahogi

Uff, muskurana to sab jaante hai
log to aajkal bewajah bhi muskuraate hai
uske khush ikhlaaq ko ishq samajh ke
kab tak khwaabon ke ghonsle banati rahogi

humein maaf karo
humse ye ankahi baatein nahi samjhi jaati
ye aankhon ke izhaar ye be zubaan ikraar
hum nabeena hai kab tak ham se madad maangti rahogi

uska raasta yun nihaarti rahogi
us saanwre ke khwaab sanwaarti rahogi
hum thak gaye tumhe samjhaate samjhaate
tum kab tak use apna sab kuch maanti rahogi